Sunday, August 24, 2014

HQ-9/FT-2000 လေကြောင်းရန်ကာကွယ်ရေး ဒုံးပျံစနစ်များ




HQ-9 ဒုံးပျံစနစ်ဟာ တရုတ်ပြည်သူ့သမ္မတနိုင်ငံထုတ် တစ်ခုတည်းသော တိုက်ချင်းပစ်ဒုံးပျံကာကွယ်ရေး နှင့် ရေဒါပျောက် လေယာဉ်များကို ချေမှုန်းနိုင်သော ဒုံးပျံစနစ်ပါ။ ဒါ့အပြင် အီလက်ထောနစ်နှောက်ယှက်မှု များဖြင့် မတားဆီးနိုင်သော Antjamming & antiradiation စနစ်များအပါအဝင် ကိုယ်ပိုင်ရေဒါလမ်းညွန် စနစ်ပါဝင်သော ဒုံးပျံများ ဖြစ်ပါတယ်။ နေတိုးအဖွဲ့ဝင် နိုင်ငံဖြစ်တဲ့ တူရကီနိုင်ငံက နှစ်ပေါင်းများစွာ ပိတ်ဆို့ထားခဲ့သော တရုတ်နိုင်ငံ ကာကွယ်ရေး စက်ရုံများထံမှ စနစ်၁၂ခုထိ နည်းပညာပူးပေါင်းထုတ်လုပ်ရန် ကမ်းလှမ်းခံခဲ့ပြီး နာမည်ကြီးခဲ့သော စနစ်လဲဖြစ်ပါတယ်။


 HQ-9 သို့မဟုတ် မီးလျံနီ လို့ နာမည်တွင်တဲ့ လေကြောင်းရန် ကာကွယ်ရေး စနစ်များကို ရုရှားနိုင်ငံရဲ့ S-300 အမေရိကန်ရဲ့ MIM-104 Patriot တို့ကို လေ့လာကာ ၁၉၉၀ပြည့်လွန်တွင် CPMIEC ကုမ္မနီမှ ထုတ်လုပ်ခဲ့ပါတယ်။ ၁၉၉၀ပြည့်လွန် နှစ်များဆီက တရုတ်ပြည်သူ့သမ္မတနိုင်ငံဟာ ရုရှားနိုင်ငံမှ S-300P နှင့် S-300V အမျိုးအစားများကို ဝယ်ယူအသုံးပြုခဲ့ပြီး၊ စနစ်များတွင် တွဲဖက်ကာ ပြည်တွင်းဖြစ် ဒုံးပျံများအသုံးပြုနိုင်ရေး စတင်ကြိုးပမ်းရာမှ ကိုယ်ပိုင် စနစ်တစ်ခု ထုတ်လုပ်နိုင်ခဲ့တာဖြစ်ပါတယ်။ 
 
305A and B
HQ-9 စနစ်တစ်ခုမှာ ဒုံးကျည်၎လုံးစီ ပါဝင်သော TAS5380 ရွေ့လျားဒုံးပစ်စင် ၈ခုပါဝင်ပြီး (နောက်ပိုင်းမှာ ၁၂ခုမှသည် အခု၂၀ထိ တွဲဖက်နိုင်သည်) TWS-312 အမိန့်ပေးယာဉ်ဖြင့် ကြားခံတွဲဖက်ထားသော 305A AESA ထောက်လှမ်းရေး ရေဒါနှင့် 305B ပစ်မှတ်ရှာ ရေဒါများတပ်ဆင်ထားပါတယ်။ အနိမ့်ပျံထောက်လှမ်းရေး ရေဒါ Type120 ကိုလဲ တွဲဖက် တပ်ဆင်နိုင်ပါတယ်။
ဒုံးပျံများကတော့ S-300P ဒုံးပျံများနှင့် မတူပဲ အကြမ်းခံနိုင်ပြီး လျင်မြန်စွာ တုန့်ပြန်နိုင်သော S-300V ဒုံးပျံစနစ်များကဲ့သို့ ၂ဆင့်သုံး ဒုံးပျံအင်ဂျင်စနစ်များပါဝင်ပါတယ်။ ပထမအဆင့်မှာ ပစ်မှတ်ရှာ ရေဒါလမ်းညွှန်မှုဖြင့် ပစ်မှတ်အနီးကို ချဉ်းကပ်မှာဖြစ်ပြီး ဒုတိယ အဆင့်အနေနဲ့ ဒုံးကျည်မှာပါဝင်တဲ့ ရေဒါစနစ် (သို့) ရေဒီယိုလမ်းညွှန်မှုအောက်မှာ အသံထက် ၄ဆအမြန်နုန်းနဲ့ ပစ်ခတ်မှာဖြစ်ပါတယ်။ အကွာအဝေး ၂၀၀ကီလိုမီတာထိ ပစ်ခတ်နိုင်ပြီး အမြင့် ၅၀၀မီတာမှ မီတာ၃သောင်းထိ ပစ်ခတ်နိုင်ပါတယ်။ ၅၀၀မီတာထက် နိမ့်တဲ့ ပစ်မှတ်များအတွက်တော့ Type120 ရေဒါလိုအပ်ပြီး အဲသည်နေရာမှာတော့ HQ-9 ဟာ အင်မတန်အားနည်းတယ်လို့ ဆိုကြပါတယ်။
၂၀၀၉ခုနှစ် ပြည်ပကို ထုတ်ရောင်းဖို့ FT-2000 အဖြစ် ပွဲထုတ်လာတဲ့ အခါမှာတော့ ဆွဲဆောင်ချက် ၄ချက် ဖြင့် ဆွဲဆောင်ခဲ့ပါတယ်။

YLC-2


ပထမ တစ်ခုကတော့ တရုတ် ပစ္စည်းများရဲ့ ထုံးစံအတိုင်း ကုန်ကျစားရိတ် သက်သာပြီး ဘာမှ ရှုပ်ရှုပ်ထွေးထွေးမရှိပဲ အသုံးပြုရ လွယ်ကူတာဖြစ်ပါတယ်။ အထူးသဖြင့် ဒုံးကျည်များဖြစ်ပြီး ရုရှားလုပ် ဒုံးပျံများထက် လေးလံပေမယ့် ထိမှန်နိုင်ချေကတော့ ၇၀% ကျော်ရှိတယ်လို့ အာမခံပေးထားပါတယ်။ ဝယ်သူရဲ့ စိတ်ကြိုက်ကို လိုက်လို့ အသေးငယ်ဆုံးအဖြစ် ပစ်မှတ်ရှာ ရေဒါ(သို့) ထောက်လှမ်းရေး ရေဒါတစ်ခုနဲ့အတူ ဒုံးပစ်စင် ၆ခု(သို့)၈ခု(သို့) ၁၂ကို ဝယ်ယူပြီးလျင် အသုံးပြုနိုင်တော့တာ ပါပဲ။
Type120 radar
 ဒုတိယအချက်ကတော့ အသံထက် ၄ဆမြန်တာမို့ ကြားဖြတ်ဟန့်တားဖို့ ဘယ်လိုမှ မလွယ်ကူဘူးလို့ ဆိုပါတယ်။ ဒါ့အပြင် မြန်နုန်းမြင့် ဒုံးပျံများအတွက် S-300V စနစ်များမှာသာပါဝင်ပြီး စာချုပ်များစွာဖြင့် ထိမ်းချုပ်ထားတဲ့ နည်းပညာတစ်ခုဖြစ်တဲ့ TVM (Track-via-missile) ခေါ် နောက်ဆုံးအချိန်ထိ ပစ်မှတ်ဆီရောက်အောင် ရေဒါလမ်းညွှန်နည်း၊ ဒုံးကျည်ပါ ရေဒါစနစ်နည်း၊ ရေဒီယို ဒါမှမဟုတ် တီဗွီစနစ်သုံး လမ်းညွှန်နည်းတို့ကို ပေါင်းစပ်အသုံးပြုတဲ့ စနစ်ကို ဈေးနုန်းချိုသာစွာနဲ့ ထည့်သွင်းပေးထားတာ ဖြစ်ပါတယ်။
HT-233

တတိယအချက်ကတော့ မည်သည့် ရေဒါစနစ်နဲ့မဆို တွဲဖက်နိုင်တာ ဖြစ်ပါတယ်။ ဒုံးကျည် တစ်စင်းချင်းဆီမှာ သီးခြား ရေဒါပါရှိတာကြောင့် သာမာန် လေကြောင်းစောင့်ကြည့်ရေး ရေဒါစနစ်နဲ့ပင် တွဲဖက်လို့ ပစ်ခတ်နိုင်ပါတယ်။ ဒါ့အပြင် HQ-9 အတွက် သီးခြား ပစ်မှတ်ရှာ ရေဒါ မဝယ်လိုသူတွေ အဖို့ အခြားရှိပြီးသား မည်သည့် ပစ်မှတ်ရှာ ရေဒါနဲ့မဆို တွဲဖက်ပေးနိုင်ပါတယ်။

H-200 

 

စတုထ္ထအချက်ကတော့ S-300PMU-2 မှာသာပါဝင်တဲ့ ကွန်ယက်ချိတ်ဆက်ခြင်း စနစ်ဖြစ်ပြီး၊ အခြားသော လေကြောင်းရန် ကာကွယ်ရေးစနစ်များ၊ တိုက်လေယာဉ်များ၊ လေကြောင်းထိမ်း ရေဒါများသာမက ဒုံးပျံများအချင်းချင်းပါ အချက်အလက် ချိတ်ဆက်နိုင်တာဖြစ်ပြီး မတူညီတဲ့ လမ်းကြောင်း ၂ခုကနေ တပြိုင်နက် တိုက်ခိုက်နိုင်တာ ဖြစ်ပါတယ်။ အားနည်းချက်အနေနဲ့ အပြည့်အစုံမပါဝင်တဲ့ စနစ်များဟာ ရန်သူမိမိ ခွဲခြားနိုင်ခြင်း မရှိပါဘူး။ မီတာ ၅၀၀အောက် အနိမ့်ပျံ ရဟတ်ယာဉ်များနဲ့ ခရုစ်ကဲ့သို့ ဒုံးပျံများကို ကြားဖြတ်ဟန့်တားရန် အားနည်းချက်များ ရှိသော်လည်းပဲ ခုလို အချက်အလက် ချိတ်ဆက်ပြီး အခြားသော တာတို တာလတ် စနစ်များနဲ့ တွဲဖက်နိုင်တာမို့ ကာမိဟန်ရှိပါတယ်။ 

 

ဒုံးပျံကာကွယ်ရေးနဲ့ ရေဒါဖိဖျက်နဲ့ ရေဒါပျောက် လေကြောင်းရန် ကာကွယ်ရေးအတွက် YLC-2 လို့ အသိများကြတဲ့ 305A နဲ့ 305B အမျိုးအစား AESA ရေဒါများကို အသုံးပြုပါတယ်။ အကွာအဝေး ၃၀၀ကီလိုမီတာကျော်အထိ ထောက်လှမ်းပေးနိုင်ပြီး ကီလိုမီတာ ၁၂၀နဲ့ ၂၀၀ကြားမှာတော့ ရေဒါပျောက် စနစ်သုံးအားလုံးနဲ့ ပစ်မှတ်အငယ်များကို ဖမ်းယူနိုင်ပါတယ်။

သို့သော်လည်း B-2 ကဲ့သို့ လေယာဉ်ပျံများနဲ့ အမြင့်ပျံမောင်းသူမဲ့ ထောက်လှမ်းရေးရေဒါများ၊ ခေတ်မီစနစ်သုံး ရေဒါရှောင်စနစ်များကိုတော့ YLC-20 လို Passive sensor သုံးရေဒါများကို အသုံးပြုနိုင်ပါတယ်။ YLC-20 ဟာ HQ-9 ရဲ့ ပြည်ပပို့စနစ် FD-2000 ရဲ့ တွဲဖက်ရန် သတ်မှတ်ထားတဲ့ ရေဒါစနစ်ဖြစ်ပါတယ်။ FT-2000 မှာတော့ YLC-2 ရေဒါများ တပ်ဆင်ပါတယ်။

 

ပစ်ခတ်မှု ထိမ်းချုပ်ရေး ရေဒါများအနေနဲ့ HT-233 ရေဒါကို အသုံးပြုထားပြီး ကီလိုမီတာ ၃၀၀ ပတ်လည်အတွင်းမှာ ပစ်မှတ်ပေါင်း ၁၀၀ကျော် ထောက်လှမ်းနိုင်ပြီး ပစ်မှတ် ၅၀လောက်ကို နောက်ကြောင်းခံလိုက်နိုင်ပြီး ၃၀ကျော် တပြိုင်တည်း ပစ်ခတ်နိုင်ပါတယ်။ သို့သော်လည်း ပစ်မှတ်ရှာ ရေဒါတစ်ခုချင်းဆီမှာ တွဲဖက်ထားမယ့် ဒုံးကျည် ၄လုံးပါ ပစ်စင် ၃ခု(သို့)၄ခု  အတွက်ကိုတော့ HQ-12 စနစ်မှာ သုံးတဲ့ H-200 (သို့) SJ-200/212 /231 ရေဒါများ ဒါမှမဟုတ် S-300 မှာသုံးတဲ့ 30N6 ပစ်မှတ်ရှာ ရေဒါများကို အသုံးပြုနိုင်ပါတယ်လို့ အကြံပေးထားပါတယ်။ အဲဒီရေဒါများဟာ ကီလိုမီတာ ၁၂၀အတွင်းမှာ ပစ်မှတ် ၆ခုမှ ၁၂ခုထိ တပြိုင်တည်း ပစ်ခတ်နိုင်တာမို့ လုံလောက်တယ်လို့ ဆိုပါတယ်။ HQ-9 ရဲ့ စနစ်ဟာ ပစ်မှတ်ရှာ ရေဒါ HT-233 တစ်ခုကို ရှာဖွေရေး ရေဒါအောက်မှာ တွဲဖက်ထားပြီး ဒုံးပစ်စင် ၄ခု တွဲဖက်ပါတယ်။ အခြားသော H-200 ကဲ့သို့ရေဒါများကိုတော့ ဒုံးပစ်စဉ် ၂ခု (သို့) ၃ခုဆီဖြင့် တွဲဖက်ကာ ပစ်စင်၂၀လောက်ထိ တွဲဖက် ပစ်ခတ်နိုင်အောင် စီစဉ်ထားရှိတာ ဖြစ်ပါတယ်။ ဒါ့ကြောင့် HT-233 တစ်ခုနဲ့ ဒုံးပစ်စင် ၄ခုပါစနစ်၊ ဒါမှမဟုတ် အခြား ရေဒါစနစ်များ ၂ခု အသုံးပြုတဲ့ ဒုံးပစ်စင် ၆ခုပါ စနစ်၊ ဒါမှမဟုတ် Ht-233 တစ်ခု အခြား ရေဒါစနစ်များ ပေါင်းစပ်အသုံးပြုတဲ့ ဒုံးပစ်စင် ၈ခုပါဝင်တဲ့ စနစ် စသည်ဖြင့် ဝယ်သူစိတ်ကြိုက် ချိတ်ဆက် အသုံးပြုနိုင်ပါတယ်။ 

 

Type-120 အနိမ့်ပျံ ထောက်လှမ်းရေး ရေဒါစနစ်ကိုပါ တွဲဖက်ထားပြီးရင်တော့ အနိမ့်ပျံ ပစ်မှတ်များကို ပစ်ခတ်နိုင်တယ် ဆိုပေမယ့် လျင်မြန်စွာ လှုပ်ရှားသော ခရုစ်ဒုံးပျံများနဲ့ သေးငယ်သော မောင်းသူမဲ့များ ရဟတ်ယာဉ်များကို ပစ်ခတ်နိုင်ဖို့ကတော့ အားနည်းချက်ရှိပါတယ်။ သို့သော်လည်း လွယ်ကူစွာ ချိတ်ဆက် အသုံးပြုနိုင်ခြင်းနဲ့ ဈေးနုန်းချိုသာခြင်း ခေတ်မီစနစ်သစ်များ ပါရှိခြင်းကြောင့် နိုင်ငံအများက စိတ်ဝင်တစားရှိသော လေကြောင်းရန် ကာကွယ်ရေးစနစ်သစ်တစ်ခုဖြစ်ပါကြောင်း တင်ပြလိုက်ပါတယ်။ ကျန်းမာချမ်းသာကြပါစေ။  

Saturday, August 16, 2014

S-300 P အမျိုးစား လေကြောင်းရန် ကာကွယ်ရေး ဒုံးပျံများ




S-300P သို့မဟုတ် SA-10 လေကြောင်းရန် ကာကွယ်ရေးစနစ်ဟာ ၁၉၈၀ ပြည့်နှစ်များမှာ ထွက်ပေါ်လာတဲ့ ဒုံးပျံစနစ်တစ်ခုဖြစ်ပြီး P အမျိုးအစားဟာ S-300 မျိုးခွဲ ၃ခုထဲက မြေပြင်သုံး မြို့ပြကာကွယ်ရေး စနစ် အမျိုးအစားဖြစ်ပါတယ်။ S-300 PT အမျိုးအစားအဖြစ် မော်စကိုမြို့ ကာကွယ်ရေး အစိတ်အပိုင်းအဖြစ် စတင် အသုံးပြုခဲ့ကြပါတယ်။ S-300 PT စနစ်တစ်ခုမှာ 36D6 စောင့်ကြည့်ရေး ရေဒါတစ်ခု၊ Senezh-M1E အမိန့်ပေးယာဉ်တစ်စင်း သို့မဟုတ် ၂စင်း၊ 30N6 ပစ်ခတ်မှု လမ်းညွန် ရေဒါစနစ် တစ်ခု သို့မဟုတ် ၂ခု၊ 76N6 အနိမ့်ပျံ ထောက်လှမ်းရေးနှင့် ပစ်မှတ်စောင့်ကြည့်ရေး ရေဒါ စနစ်တစ်ခုတို့ ပါဝင်ပြီး 5P851 အမျိုးအစား ဆွဲယာဉ်ဖြင့် တွဲဖက်ထားသော ဒုံးပျံ ၄ခုစီပါဝင်သော ဒုံးပစ်စဉ် ၆ခုမှ ၁၂ခုထိ ပါဝင်မှာဖြစ်ပါတယ်။ လေကြောင်းရန်နဲ့ တိုက်ချင်းပစ် ဒုံးပျံ ကာကွယ်ရေး အစီစဉ် တစ်စိတ်တစ်ပိုင်း ဖြစ်တဲ့ S-300PT စနစ်ဟာ ရေဒါ အသုံးပြုနိုင်မှု အပေါ်ကို လိုက်လို့ ကီလိုမီတာ ၂၅၀နဲ့ ၁၂၀ကြားမှာ ပစ်မှတ်ပေါင်း ၁၀၀ခန့်ကို ရှာဖွေ ခြေရာခံနိုင်ပြီး ၃စက္ကန့် အတွင်းမှာ ချိန်ရွယ်ပစ်ခတ်နိုင်ပါတယ်။ သက်ဆိုင်ရာ ဒုံးပစ်စဉ်များရဲ့ ၇၅ကီလိုမီတာ ပတ်လည် အတွင်းမှာ တပြိုင်နက် ပစ်မှတ် ၁၂ခုကို ထိမ်းကြောင်း ပစ်ခတ်ပေးနိုင်ပါတယ်။ ဒါပေမယ့် သည်စနစ်ရဲ့ အားနည်းချက်ဟာ ပစ်ခတ်ရန် ပြင်ဆင်ရချိန်ဖြစ်ပြီး ရွေ့လျားစနစ်တစ်ခုဖြစ်ပေမယ့် ဆွဲယာဉ်ကိုသာ အသုံးပြုထားတာကြောင့် အချိန် ၁နာရီခန့်ယူရပြီး ပစ်ပြီးတာနဲ့ ချက်ချင်းရွေ့လျားနိုင်ဖို့၊ ရွေ့လျားနေရာကနေ အမြန်နေရာယူ ပစ်ခတ်နိုင်ဖို့ မဖြစ်နိုင်ခဲ့ပါဘူး။ ဒါ့အပြင် မီတာ ၅၀၀ထက် အနိမ့်ပျံသန်းလာမယ့် မြန်နုန်းမြင့် ပစ်မှတ်တွေကို ပစ်ခတ်ရန် အခက်အခဲရှိပါတယ်။
S-300-PM/PS
ဒါ့ကြောင့် ၁၉၈၅ခုနှစ်မှာတော့ S-300PM/PS  အမျိုးအစားများအဖြစ် အဆင့်မြင့်တင်ခဲ့ပြီး MAZ-7910 ဒုံးပစ်စင်ပါ အကြီးစားသယ်ပို့ယာဉ်များကို အသုံးပြုခဲ့ပါတယ်။ မူလမှာ ယာဉ်တစ်စင်းကို ဒုံးကျည် ၂စင်းသာ သယ်ယူနိုင်အောင် စီစဉ်ခဲ့ပေမယ့် နောက်ပိုင်းမှာ ဒုံးကျည်၎စင်း သယ်ဆောင်စေခဲ့ပါတယ်။ semi-active radar homing 5V55R missiles အသစ်များကို ပြောင်းလဲ တပ်ဆင်ခဲ့တဲ့ အတွက် ၂၅မီတာ အမြင့်မှသည် မီတာ ၃သောင်းအထိ ပစ်ခတ်နိုင်သလို အကွာအဝေးအားဖြင့်လဲ ကီလိုမီတာ ၁၀၀ကျော် အထိ ပစ်ခတ်နိုင်ပါတယ်။ ၁၉၉၀ ဝန်းကျင်မှာ အများဆုံးထုတ်လုပ်ခဲ့သော အမျိုးအစားလဲဖြစ်ပါတယ်။ တိုက်ချင်းပစ် ဒုံးပျံများသာမက ခရုစ်ဒုံးပျံများနဲ့ ထောက်လှမ်းရေးအမြင့်ပျံ လေယာဉ်များအထိ ပစ်ခတ်နိုင်အောင် ကောင်းမွန်ပါတယ်။ ဒါ့အပြင် အုပ်ဖွဲ့ပျံသန်းလာနိုင်တဲ့ လေကြောင်း အင်အားကြီး ထိုးစစ်များအတွက် အသေးစား နူကလိယျထိပ်ဖူးများ တပ်ဆင်ပစ်ခတ်နိုင်အောင် ပြင်ဆင်ထားခဲ့ကြပါတယ်။
 
S-300PMU
၁၉၉၀နောက်ပိုင်း ပြည်ပနိုင်ငံများကို S-300PMU SA-10f များအဖြစ် တင်ပို့ရာမှာတော့ ဝယ်သူစိတ်ကြိုက် ဖြစ်စေဖို့နဲ့ စစ်ကစားမှု လွယ်ကူစေဖို့ လမ်းကြမ်းမောင်းနှင်နိုင်တဲ့ 5P85D/S ဒုံးပစ်စင် ယာဉ်များနဲ့ ပြောင်းလဲပေးခဲ့ပါတယ်။ အမြောက်အများထုတ်လုပ်ထားတဲ့ 5V55R ဒုံးပျံများကို တွဲဖက် ရောင်းချခဲ့ပြီး ဈေးနူန်းမြင့် ဝယ်သူများအတွက် S-300PMU စနစ်ကို ၁၉၉၅ခုနှစ်မှာ 64N6 ရှာဖွေရေးရေဒါ၊ ပစ်မှတ် ၃၀ကျော်ထိ ပစ်ခတ်ပေးနိုင်တဲ့ 30N6-1 ပစ်ခတ်မှု ရေဒါ၊ 48N6 ဒုံးပျံများနဲ့ အဆင့်မြင့်တင်ပေးခဲ့ပြီး ကီလိုမီတာ ၃၀၀နီးပါးထိ ထောက်လှမ်းနိုင်ကာ အကွာအဝေး ကီလိုမီတာ ၁၅၀အတွင်းမှာ ပစ်မှတ်ပေါင်း ၃၀လောက်ကို တပြိုင်နက် ထိမ်းကြောင်းပစ်ခတ်ပေးနိုင်ပြီး ဒုံးပျံမဟုတ်သော ပစ်မှတ်များအတွက် တိကျမှုဟာ ၇၀%ကျော် ရှိတယ်လို့ ဆိုပါတယ်။ ဒါ့အပြင် လှုပ်ရှားစစ်ကစားမှု ကောင်းမွန်လာခြင်းကြောင့် မြို့ပြသာမက ရှေ့တန်းထိပါ တာဝန်ထမ်းဆောင် လာနိုင်သော စနစ်ဖြစ်ခဲ့ပါတယ်။ အမိန့်ပေးယာဉ်များကို Baikal-1E များနဲ့ အစားထိုးခဲ့ကြပါတယ်။


၁၉၉၉ ခုနှစ်မှာတော့ ပဉ္စမမျိုးဆက် တိုက်လေယာဉ်များနဲ့ အဆင့်မြင့်မောင်းသူမဲ့များ ဒုံးပျံများနဲ့ အီလက်ထောနစ် စစ်ပွဲ စနစ်သစ်များအတွက် S-300PMU-1 SA-20 ကို စတင်မိတ်ဆက်ခဲ့ပြီး၊ မြို့တွင်းသာမက မည်သည့်နေရာ မည်သည့်ရာသီဥတု မဆို တာဝန်ထမ်းဆောင်နိုင်တဲ့ စနစ်များနဲ့ ပြောင်းလဲ အဆင့်မြင့်ခဲ့ပါတယ်။ ကီလိုမီတာ ၃၀၀ကျော်အထိ ပဉ္စမမျိုးဆက်များနဲ့ သေးငယ်သော မောင်းသူမဲ့များ ခရုစ်ဒုံးပျံကို တိကျစွာထောက်လှမ်းပေးနိုင်သော 64N6E ထောက်လှမ်းရေး ရေဒါ။ ပစ်မှတ် ၂၄ခုကို တစ်ပြိုင်တည်း ချိန်ရွယ်ပစ်ခတ် လမ်းညွှန်ပေးနိုင်သော 30N6E-1 ပစ်မှတ်ထိမ်းကြောင်းရေး ရေဒါ၊ ဒုံးပစ်စဉ် ၁၂ခုအထိ ချိတ်ဆက် အမိန့်ပေးနိုင်သော 83M6E အမိန့်ပေးယာဉ်တို့ အပါအဝင် ဒုံးစနစ်များကိုလဲ ကီလိုမီတာ ၄၀ခန့်အထိသာ တာတိုပစ်ခတ်နိုင်သော 9M96E-1 နှင့် ကီလိုမီတာ ၁၂၀ထိ ပစ်ခတ်နိုင်သော 9M96E-2 တို့ဖြင့် ပြောင်းလဲ တပ်ဆင်ပေးခဲ့ပါတယ်။


 ပစ်ခတ်မှု ရေဒါစနစ်များမှာ ၃၀ကျော်ကနေ ၂၄ခုအထိသာ ထိမ်းကျောင်းပေးနိုင်အောင် လျော့နဲခဲ့ပြီး၊ ဒုံးပျံများရဲ့ တာဝေးပစ်ခတ်မှုဟာလဲ လျော့နဲခဲ့ပါတယ်။ သို့သော်လည်း S-300PMU-1 စနစ်ဟာ မတူညီသော စနစ်များနဲ့ တပြိုင်တည်း တိုက်ခိုက်လာမှုကို တန်ပြန်ဆောင်ရွက်နိုင်အောင် တည်ဆောက်ထားတာဖြစ်ပြီး တာဝေးနဲ့ တာလတ် ဒုံးပျံကို ပေါင်းစပ်ထားခြင်းကြောင့် တိုက်ခိုက်ပစ်ခတ်လာသော ပဲ့ထိမ်းဒုံးများ၊ ဗုံးများကို တာတိုဒုံးပျံများဖြင့် ကာကွယ်ထားစဉ်မှာပဲ လာရောက်တိုက်ခိုက်သော လေယာဉ်၊ တိုက်ချင်းပစ်ဒုံးပျံများနဲ့ သူတို့ကို ထိမ်းကြောင်းလမ်းညွန်ပေးတဲ့ အမိန့်ပေး လေယာဉ် စသည်တို့ကို တပြိုင်တည်း တန်ပြန် တိုက်ခိုက် နိုင်မှာဖြစ်ပါတယ်။ အမိန့်ပေးယာဉ်နဲ့ ပစ်မှတ်ရှာ ရေဒါတို့ဟာ ပစ်မှတ် ၂၄ခုကိုသာ လမ်းညွှန်ပစ်ခတ်ပေးနိုင်မှာဖြစ်ပေမယ့် ဒါဟာ ရေဒါစနစ် ၁ခုတည်းသာ အသုံးပြုတာဖြစ်ပြီး ရေဒါစနစ် ၂ခုမှသည် ၃ခုအထိ တပြိုင်တည်း တွဲဖက် အသုံးပြုနိုင်တာကြောင့် စနစ်တစ်ခုလုံးဟာ အမျိုးစားမတူ ဒုံးကျည် ၂မျိုး ဒုံးကျည်၂လုံးစီ သယ်ဆောင်ထားမယ့် ဒုံးပစ်စင်ပေါင်း ၃၆ခု ကို တပြိုင်တည်း ထိမ်းချုပ်နိုင်မှာဖြစ်ပါတယ်။ ဒုံးပစ်စင် တစ်ခုစီဟာ သာမာန် အခြေအနေမှာ ဒုံးကျည် ၂လုံးစီသာ ပစ်ခတ်ရန် လိုတာမို့ အမိန့်ပေး စနစ် ၂ခုသို့မဟုတ် ၃ခုတည်းက တစ်ခုခုကို အတိုက်ခိုက် ခံရစဉ်မှာပင် အခြား အမိန့်ပေးစနစ်ရဲ့ လစ်လပ်နေတဲ့ ၁၂နေရာကနေ ထိမ်းကျောင်း ပစ်ခတ်ပေးနိုင်မှာဖြစ်ပါတယ်။ ဒါ့အပြင် အနိမ့်ပျံနဲ့ ပစ်မှတ်စောင့်ကြည့်ရေး ရေဒါ 76N6 ဟာ မောင်းသူမဲ့များနဲ့ အနိမ့်ပျံ ခရုစ်ဒုံးပျံများ ရဟတ်ယာဉ်များကိုပါ စောင့်ကြည့်ပေးထားနိုင်ပြီး အခြားသော လေကြောင်းရန် ကာကွယ်ရေးများကို အထောက်ကူပေးနိုင်ပါတယ်။ ဒုံးပျံများဟာ လှုပ်ရှားမှု မြန်ဆန်လွယ်ကူပြီး တစ်စိတ်တစ်ပိုင်းရေဒါ လမ်းညွှန်မှုနဲ့ ပစ်မှတ်အနီးပျံသန်းကာ ပစ်မှတ်အနီးမှာတော့ ကိုယ်ပိုင် ရေဒါလမ်းညွှန်မှုနဲ့တကွ အခြားသော (TV ဒါမှမဟုတ် အနီအောက်ရောင်ခြည် လမ်းညွှန်စနစ်) ပါ တွဲဖက်ထားတာမို့ ဘယ်လိုမှ ရှောင်လွှဲဖို့ မလွယ်တဲ့ ဒုံးကျည် အမျိုးစားတွေ ဖြစ်ပါတယ်။  


S-300 PMU-2 စနစ်များကိုတော့ ၂၀၀၀ပြည့်နှစ် ဝန်းကျင်များမှာ ထုတ်ဖေါ်ပြသခဲ့ပြီး၊ ကီလိုမီတာ ၂၀၀ထိ ပစ်ခတ်နိုင်တဲ့ 48N6E2 ဒုံးပျံများပြောင်းလဲ တပ်ဆင်ခဲ့ပါတယ်။ အမိန့်ပေးယာဉ်စနစ်ကို ထည့်သွင်းထားသော်လည်း အမိန့်ပေးယာဉ် မလိုပဲ ပစ်စင်တင်ယာဉ်များမှ တိုက်ရိုက် ချိတ်ဆက် ချိန်၇ွယ် ပစ်ခတ်ပေးနိုင်သည့် စနစ်ပါတဲ့ 5P85SE2 ယာဉ်များကို အသုံးပြုထားပါတယ်။ ဒါ့အပြင် အနိမ့်ပျံ ထောက်လှမ်းရေးရေဒါ 76N6 ရေဒါနဲ့ တွဲဖက်လို့ 96L6E ဘက်စုံသုံးရေဒါကိုပါ တွဲဖက် အသုံးပြုထားပါတယ်။ စနစ်တစ်ခုမှ အနည်းဆုံး ဒုံးပစ်စဉ် ၁၂ခုထိပါဝင်ပြီး ၃၆ခုထိ ချိတ်ဆက်နိုင်သလို မတူညီသော လေကြောင်းရန် ကာကွယ်ရေးစနစ်များနဲ့လဲ တပြိုင်တည်း ချိတ်ဆက် နိုင်ပါတယ်။

S-400 system

S-300 PMU-3 ကိုတော့ PMU-1 နဲ့အတူ ထုတ်လုပ်ခဲ့ပြီး S-400 SA-21 အဖြစ်လူသိများပါတယ်။ ကီလိုမီတာ ၄၀၀ခန့်အထိ ပစ်ခတ်နိုင်ပါတယ်။ ရေဒါပျောက်တိုက်လေယာဉ်များအတွက် အထူးသီးသန့်ထုတ်လုပ်ထားပြီး အာကာသအလွှာထိ ပစ်ခတ်နိုင်တဲ့ စနစ်တစ်ခုလဲဖြစ်ပါတယ်။ 
S-300V
အခြားသော S-300 အမျိုးအစားများဟာ S-300V အမျိုးအစား စစ်မြေပြင်သုံး စနစ်ဖြစ်ပြီး အမြင့်ပျံ ပစ်မှတ်များနဲ့ ဒုံးပျံများ အာကာသအလွှာ လုံခြုံရေးအတွက် အဓိကအသုံးပြုပါတယ်။ ချိန်းတပ်ယာဉ်ဖြင့် သယ်ဆောင်ပစ်ခတ်နိုင်တဲ့ လမ်းကြမ်းသုံး စနစ်ဖြစ်ပြီး ထိခိုက်မှုဒဏ် ခံနိုင်ဖို့တည်ဆောက်ထားပါတယ်။ S-300F အမျိုးအစားများဟာ ရေတပ်သုံး အမျိုးအစားများဖြစ်ပြီး အမိန့်ပေးစနစ်များ၊ လမ်းညွှန်စနစ်များ မပါတဲ့ ပင်လယ်ပြင်နဲ့ ကိုက်ညီအောင် ဒုံးပျံရဲ့ ရေဒါစနစ်ကို အဆင့်မြင့်တင်ထားပါတယ်။ ကျန်းမာချမ်းသာကြပါစေ။

Friday, August 8, 2014

ကမ္ဘာစစ်အတွက် ဘန်ကာများ




ကမ္ဘာပေါ်တွင် လူသားတို့၏ ယဉ်ကျေးမှုမြင့်မားလာသည်နှင့်အမျှ မိမိတို့ နှင့် အကျင့်စရိုက်တူရာ များစုပေါင်းနေထိုင်ကြခြင်းဖြင့် နိုင်ငံများ ပေါ်ပေါက်လာပါသည်။ လူ့အဖွဲ့ အစည်း တစ်ခုနှင့်တစ်ခု ၊ ယဉ်ကျေးမှုတစ်ခုနှင့်တစ်ခု အဆင်မပြေ ဖြစ်လာရာမှ စစ်ပွဲကြီးများ ဖြစ်ပေါ်လာကြသည်။ လွန်ခဲ့သော ၁၈ ရာစု ရှေ့ပိုင်းတွင် ပေါ်ပေါက်ခဲ့သော စစ်ပွဲများတွင် မိမိဘက်မှ အကျအဆုံးနည်းနည်းနှင့် စစ်ပွဲကို အောင်နိုင်ရန် အတွက် အမျိုးမျိုး ကြံဆလာခဲ့ကြလေသည် ။ နောင်တွင် စစ်ပွဲတွင်တိုက်ခိုက်နေသော စစ်သည်အချင်းချင်းတိုက်ခိုက် ရုံမျှမက နောက်မှ ထောက်ပံ့ပေးသော လူထုကိုပါ တိုက်ခိုက်ထောက်ပံ့မှုလမ်းကြောင်း ဖြတ်တောက်မှုများ နောက်ပိုင်းနယ်မြေများကို Fail State ဖြစ်စေရန် ရည်ရွယ်တိုက်ခိုက်လာကြပါသည်။
                      ၁၉ ရာစု အစပိုင်းမှစတဟုန်ထိုး တိုးတက်လာသော အခြေခံသိပ္ပံ ပညာရပ်များဖြစ်သော ဓာတုဗေဒ ၊ ရူပဗေဒ နှင့် သင်္ချာ ပညာရပ်များသည် စစ်ပွဲ၏ အယူဝါဒအပေါ် များစွာ ပြောင်းလဲစေခဲ့ပါသည် ။ သို့ဖြင့် ၂၀ ရာစုနှင့် ယခု ၂၁ ရာစုတို့တွင် ပေါ်ပေါက်လာသော ဆန်းသစ်သော လက်နက်များ ၊ စစ်ဥပဒေသများသည် လူသားတို့အပေါ်တွင် သာမက ကမ္ဘာကြီး၏ ဂေဟစနစ် ရေထု လေထု မြေထု တို့အား နှစ်ပေါင်းများစွာကြာသည်အထိ ပျက်စီးသွားနိုင်လောက်အောင် ပြင်းထန်ကြလေသည်။



ပထမ ကမ္ဘာစစ်တွင် ပါဝင် တိုက်ခိုက်ခဲ့ကြသည့်  နိုင်ငံများ ဖြစ်ကြသော ဂျာမာန် နှင့် ဥရောပ မဟာမိတ်နိုင်ငံ များသည် တစ်ဖက် နှင့် တစ်ဖက် အပြန်အလှန်အားဖြင့် အဖျက်စွမ်းအား ကြီးမားသော ဓါတုလက်နှက် များကို ကြီးမားစွာ အသုံးပြုခဲ့ကြပါသည်။ ပထမကမ္ဘာစစ်ကြီး ပြီးနောက် ဖွဲ့စည်းခဲ့သော နိုင်ငံပေါင်းချုပ်အသင်းကြီးမှ လူသားမျိုးနွယ်များ အပေါ်တွင် ဓါတုလက်နှက် အသုံးပြုခြင်းသည် လွန်စွာရက်စက်ကြမ်းကြုတ်သော အပြုအမူ ဖြစ်သဖြင့် နောင်တွင် ဖြစ်ပွားသော စစ်ပွဲများတွင် လုံးဝ အသုံးမပြုရန် ဥပဒေများ ချမှတ်ပိတ်ပင်ခဲ့ပါသည် ။ သို့ရာတွင် ဆိုဗီယက်ယူနီယံ ၊ အမေရိကန် ၊ ဂျာမနီ ၊ ပြင်သစ် ၊ အီတလီ တို့ သည်မိမိတို့ နိုင်င်များတွင် ဓါတုလက်နှက်များကို သုတေသနများ ပြုလုပ်ပမာဏမြောက်များစွာ သိုလှောင်ခဲ့ကြသည်။ သို့ဖြင့် ဒုတိယကမ္ဘာစစ်ကြီး ဖြစ်ပွားသောအခါ တစ်ဖက်နှင့်တစ်ဖက် အပြန်အလှန်တိုက်ခိုက်ရာတွင် ပထမကမ္ဘာစစ် ကဲ့သို့ ဓါတုလက်နှက်များကို ပမာဏများပြားစွာ အသုံးမပြုသော်လည်း ဟစ်တလာ၏ ဂျူးလူမျိုးများ အပေါ် လူမျိုးတုံးသတ်ဖြတ်မှုတွင် ဓါတုအဆိပ်ငွေ့များကို အဓိကထား၍ အသုံးပြုခဲ့သည်။ ထို့အပြင် ဒုတိယကမ္ဘာစစ်၏ ဇာတ်သိမ်းမင်းသားဖြစ်သည့် ဓါတုလက်နှက်ထက် များစွာ အဖျက်စွမ်းအားကြီးမား သော နူကလိယျလက်နှက် သည် ၎င်း၏ ဖျက်စီးနိုင်စွမ်းကို ပြသပွဲထွက်လာခဲ့သည်။


ယနေ့ခေတ် WMD စာရင်းတွင် အဓိကအားဖြင့်
( ၁ ) ဓာတုဗေဒ လက်နက်များ ( Chemical Weapons )
( ၂ ) ဇီဝဗေဒ လက်နက်များ ( Biological Weapons )
( ၃ ) နုကလီးယား လက်နက်များ (Nuclear Weapons)
 အစရှိသဖြင့် အဓိက အုပ်စု ၃ ခုကိုမူတည်သတ်မှတ်ဥပဒေများ ရေးဆွဲခြင်း ၊ နိုင်ငံအချင်းချင်း ပူးပေါင်းဆောင်ရွက်ခြင်း၊ စစ်အေးကာလ အင်အားကြီး ပြိုင်ဘက်နှစ်နိုင်ငံ မှ ဦးဆောင်၎င်းတို့၏ နိုင်ငံတွင် သိုလှောင်ထားသော Chemical Stockpiles များအားဖျက်စီးခြင်း ၊ စက်ရုံများအား ပိတ်ခြင်း ၊ ၎င်းတို့၏ မဟာမိတ်နိုင်ငံများ သို့ မရောင်းချရန် သဘောတူ ခြင်း အစရှိသဖြင့် နည်းလမ်းပေါင်းစုံဖြင့် ထိန်းချုပ်ခဲ့ကြ ပါသည်။

သို့ရာတွင် ဒုတိယကမ္ဘာစစ် နောက်ပိုင်းတွင် ဖြစ်ပွားခဲ့သော အီရန်-အီရတ်စစ်ပွဲ ( 1980 – 88 ) တွင် အီရတ်၏ ကာဒ့် လူမျိုးတို့အပေါ် လူမျိုးတုံးလုနီးနီး ဓါတုလက်နှက်များ အသုံးပြုခဲ့ခြင်း ၊ ဂျပန်နိုင်ငံ တိုကျိုမြို့ မြေအောက်ရထားတွင် Nerve Agent ( Sarin ) ကို အသုံးပြု တိုက်ခိုက်ခဲ့ခြင်း ( မတ် ၂၀ ၊ ၁၉၉၅ ) ၊ ယခုနှစ်ပိုင်းအတွင်း ဆီးရီးယားပြည်တွင်းစစ်ပွဲတွင် အသုံးပြုနေကြခြင်း စသည့် အဖြစ်အပျက်များသည် ယနေ့ခေတ်၏ မလုံခြုံသော အခြေအနေများကို ထင်ဟပ်နေစေပါသည်။
ယနေ့အခါတွင် WMD များကို အကြမ်းဖျင်းအားဖြင့် အောက်ပါ ရည်ရွယ်ချက်များဖြင့် အသုံးပြုကြပါသည်။
( ၁ ) ကမ္ဘာစစ်အတွက် သုတေသနပြု ပြင်ဆင်ခြင်း ( မိုးမပြို ပြိုခဲ့သည်ရှိလေသော် )
( ၂ ) သမာရိုးကျ စစ်လက်နက်များတွင် နုကလိယျ နှင့် ပြင်းထန်သော ဓာတုလက်နက်များ ၊ ဇိဝလက်နက်များ ထည့်သွင်းသုံးစွဲ ခြင်း ( နားလှည့်ပါးရိုက် )
( ၃ ) အစွန်းရောက် အကြမ်းဖက်သမား များမှ သုံးစွဲ ခြင်း ( အဓိကအားဖြင့် ဓာတုလက်နက်များ )
ထို့ကြောင့် ယနေ့ခေတ် ကမ္ဘာပေါ်တွင် ထို WMDs များ၏ ဘေးမှ ကာကွယ်ရန် နိုင်ငံများသည် မိမိတို့တတ်စွမ်းသည့် ဘက်မှဆောင်ရွက် လျက်ရှိပါသည်။ ထိုသို့ ဆောင်ရွက်ရာတွင် စစ်ပွဲတွင် ပါဝင်တိုက်ခိုက်လျှက်ရှိသော စစ်သည်များနှင့် လူတစ်ဦးချင်းဆီကို ကာကွယ်ပေးခြင်း ( Individual Protection Kit ) နှင့် ပြည်သူလူထုနှင့် အရေးကြီးနေရာများအား ( ဥပမာ ဆေးရုံ ၊ ရေအရင်းအမြစ် ၊ ရိက္ခာသိုလှောင်ရုံများ ) ကာကွယ်ပေးခြင်း ( Collective Protection ) များဟု အခြေခံအားဖြင့် ခွဲခြားထားပါသည် ။ 

          ယခုစာပိုဒ် တွင် ပြည်သူလူထုအား ကာကွယ်ချင်း ဟူသော ( Collective Protection ) အပိုင်းအား အဓိကထား ဖော်ပြသွားပါမည်။ ထိုသို့ကာကွယ်ရာတွင် Shelter များ၏ အခန်း ကဏ္ဍများသည် အရေးကြီးပါသည် ။ ထို Shelter များကို အခြေခံအား ဖြင့် ကဲ့သို့ခွဲခြား နိုင်ပါသည် ။

၁ ။ Asylum ( Civil Defence Shelters ) ဟုခေါ်သော အခိုင်အမာကွန်ကရစ် ဖြင့်တည်ဆောက်ထားသော Shelter များ ၊ WMDs အမျိုးအစားအားလုံးကိုခုခံ နိုင်ပြီး ၊ သီးခြားလေသန့်စင်စနစ် ၊ ဆေးဝါး အကူအညီ ၊ အိမ်သာစနစ် ၊ ရိက္ခာစနစ်များ ၊ စွမ်းအင်စနစ်များ ပါဝင်သော စံပြု shelter များဖြစ်သည်။

၂ ။ Anti radiation Shelters ဟုခေါ်သော နုကလိယျ ပေါက်ကွဲမှု ဇုံအတွင်း Radiation ကြောင့်ဖြစ်သော ဆိုးကျိုးများမှ ရှောင်လွဲ နိုင်ရန် တည်ဆောက်ထားသော ယာယီခိုလှုံရန် နေရာများဖြစ်ပါသည် ။

၃ ။ Simple Shelters ဟုခေါ်သော စစ်ရေးနှင့် သဘာဝ ဘေးအန္တရာယ် ကပ်ဘေးဆိုးများအတွင်း ကျားကန်ထားနိုင်ရန် ရိက္ခာ နှင့် အသုံးအဆောင်များအား သိုလှောင်ထားသော စတိုးများ ဖြစ်သည် ။
ထိုသုံး မျိုးထဲမှ Asylum အမျိုးအစားအား အကြမ်းဖျင်း ရေးသားသွားပါမည်။


Asylum ( Civil Defence Shelters )
    Asylum များကို များသောအားဖြင့် အခိုင်အမာ အဆောက်အဦးများ၏ အောက်တွင် သော်လည်းကောင်း ၊ ရန်သူ၏ လေကြောင်းတိုက်ခိုက်မှုမှ ကင်းလွတ်နိုင်ခြေရှိသော နေရာများတွင် လည်းကောင်း တည်ဆောက် ထားရှိပါသည် ။ စစ်ပွဲဖြစ်ပွားချိန်မှ စတင်တည်ဆောက်ချင်း မဟုတ်ဘဲ ငြိမ်းချမ်းနေသော အချိန်တွင် စနစ်တကျစီမံ ပြီးတည်ဆောက်ကြခြင်းမျိုး ဖြစ်ပါသည်။ အထူးသဖြင့် ကမ္ဘာ့အင်အားကြီးနိုင်ငံများမှ ၎င်းတို့၏ လူ့စွမ်းအား အရင်းအမြစ်များ မဆုံးရှုံးစေရန်အတွက် စနစ်တကျ စီမံတည်ဆောက်ထားကြပါသည်။ ထိုသို့တည်ဆောက်ရာတွင် စစ်ပွဲ ဖြစ်ပွားချိန်အတွင်း ထိရောက်စွာ အသုံးပြုနိုင်ရုံသာမက စစ်မက်ဖြစ်ပွားခြင်းမရှိသော အချိန်တွင်လဲ စီးပွားရေးအရ အကျိုးစီးပွား ဖြစ်နိုင်သော သိုလှောင်ရုံများ အဖြစ် အသုံးပြုနိုင်ရန် တည်ဆောက်ထားရှိပါသည် ။ ထို့အပြင် ၎င်းးတို့၏ မြို့ပြတည်ဆောက်ရေး စီမံကိန်းများတွင်လဲ အရေးပေါ်စီမံချက်တွင် ထည့်သွင်း စစ်မက်ဖြစ်ပွားချိန်တွင် အသုံးပြုနိုင်ရန် စီမံဆောင်ရွက်ထားရှိပါသည် ။
         Asylum များကိုကြီးမားသော အဆောက်အဦးများ၏ အောက် ( ဥပမာ - ဆေးရုံကြီးများ ၊တက္ကသိုလ်များ ၊ ရုံးများ ၊ လေဆိပ် ၊ သင်္ဘောဆိပ် ၊ မိးသတ်ဌာန များ ၊ စစ်ရုံးကြီးများ ၊ အထပ်မြင့်ထုထည်ကြီးမားသော လူနေအဆောက်အအုံများ ) အနည်းဆုံး အနက် ၂၀ မီတာ မှ ၃၀ မီတာ ၊ ၃၀ မီတာ နှင့် အထက် ဟူအဆောက်အဦး အမျိုးအစား ၊ ခိုနားမည့် လူဦးရေ ၊ အသုံးပြုမည့် ရည်ရွယ်ချက်တို့ အပေါ် မူတည် တည်ဆောက် ထားနိုင်သည်။ 

         Asylum တစ်ခုတည်ဆောက် ရာ တွင် ပါဝင်သော အဓိကအချက်များ
( ၁ ) နံရံများ ၊ မျက်နှာကြက်များ တည်ဆောက်ချင်း ( Infrastructure )
( ၂ ) လေရှုစနစ် တည်ဆောက်ပေးချင်း ( Ventalation System )
( ၃ ) ရိက္ခာစီမံချင်း ( Food Supply )
( ၄ ) ရေ အရင်းအမြစ် ( Water Supply )
( ၅ ) ဆေးဝါး အကူအညီ ( First Aids Measure and Medical Support )
( ၆ ) အညစ်အကြေးများ စွန့်ပစ်ချင်း ( Sewage System )
( ၇ ) စွမ်းအင်အထောက်အပံ့ ( Energy Supply )
( ၈ ) ဆက်သွယ်ရေး ( Communication )
( ၉ ) အရေးပေါ်အခြေအနေ အတွက်စီမံချက် ( Emergency Plan and Fire Fighting ) စသည်တို့ကို မဖြစ်မနေ ထည့်သွင်းတွက်ချက် တည်ဆောက်ကြရပါသည်။



၁ ။ နံရံများ ၊ မျက်နှာကြက် များတည်ဆောက်ချင်း ( Infrastructure ) 
        Asylum များတည်ဆောက် ရာတွင် အမျိုးမျိုးသော ဓာတုအဆိပ်များ ၊ ဇီဝလက်ပိုးမွှားများ နှင့် ဓာတ်ရောင်ခြည်ပျံ့နှံ့ခြင်းမှ ကာကွယ်နိုင်ရန် ခိုင်မာတောင့်တင်းပြီး စေ့စပ်သေချာရန် လိုအပ်ပါသည်။ ကွန်ကရစ်ကို အဓိကအသုံးပြုတည်ဆောက်ပြီး ဓာတ်ရောင်ခြည် ထိုးဖောက်ခြင်း မှ ကာကွယ်နိုင်ရန် အနည်းဆုံး ထု ၆စင်တီမီတာ ( ၂လက်မခွဲ ) ရှိရမည် ဖြစ်ပြီး၎င်းအားပံ့ပိုးရန် ခဲလွှာ(Lead layer) ၁စင်တီမီတာ ဖြင့်ဖုံးအုပ်ကာ တည်ဆောက်ရပါသည်။ ထို့အပြင် အဆောက်ဦး၏အောက်တွင် မဟုတ်ပဲ သီးခြားတည်ရှိနေပါက ဖုံးကွယ်မှုနှင့် အချို့သော ဓာတုဓာတ်ငွေ့တို့၏ သက်ရောက်မှု လျော့ကျစေရန် အတွက် Shelter ၏ အမိုးအဖြစ် မြေကြီးထု ၁၅၀စင်တီမီတာ(၅ပေခန့်) အနည်းဆုံး လိုအပ်ပါသည်။
       ထို့ပြင် အတွင်းတွင် အခန်းများ ဖွဲ့စည်းခြင်း ၊ ပိုက်လိုင်းများ ၊ ပြင်ပနှင့်ဆက်စပ်မှု ရှိနေသော  စနစ် များလုံခြုံမှု ရှိစေရေး ၊ အခန်းတွင်း အပူချိန်မျှတရေးတို့ကိုလဲ ထည့်သွင်းတွက်ချက် တည်ဆောက်ရပါသည်။


၂ ။ လေရှုစနစ် တည်ဆောက်ခြင်း ( Ventalation System )
            လေရှု စနစ်သည် Shelter ၏ အရေးအကြီးဆုံးနှင့် အဓိက ကျဆုံး စနစ်ဖြစ် သည် ။ ယေဘူယျ အားဖြင့် လေရှု စနစ် အား အမျိုးအစား ၂ မျိုးခွဲခြားထားသည် ။ ပြင်ပ မှ လေကို စုပ်ယူပြန်လည်သန့်စင်ပြီး အခန်းများသို့ ပိုက်လိုင်းအတွင်းမှ ပြန်လည် ပို့လွှတ်ပေးသော ( Filtration System ) နှင့် ဓာတုဓာတ်ပြုမှုဖြင့် Oxygen ကိုထုတ်လွှတ်ပေးသော ( Generating Syetem ) တို့ ဖြစ်ပါသည်။ ပြန်လည်သန့်စင်သည့်စနစ်သည် အသုံးပြုရန် လွယ်ကူပြီး ၎င်းစနစ် လည်ပတ်ရန်အတွက် စွမ်းအင်ကုန်ကျမှု သက်သာပါသည်။ သို့ရာတွင် ၎င်းစနစ်၏ အကျိုးသက်ရောက်မှုမှာ Filterတွင် တပ်ဆင်ထားသော လေထုသန့်စင်သည့် Chemical များ ၏လုပ်နိုင်စွမ်းအား ၊ လေထုညစ်ညမ်းမှုနှုန်းနှင့် ခိုနားသော လူဦးရေတို့ အပေါ်တွင် များစွာမူတည်နေပါသည်။ ဓာတုဓာတ်ပြုမှုနှင့် ထုတ်လွှတ်ပေးသော နည်းလမ်းတွင်မူ ပြင်ပလေထု၏ ညစ်ညမ်းမှုအား ထည့်သွင်းတွက်ချက်ရန် မလိုပေ ။
             လေရှုစနစ်ကို ထုတ်လွှတ်ပေးသော စနစ်များသည် အောက်စီဂျင်ထုတ်ပေးရန် သာမက အခန်းတွင်း စိုထိုင်းစကို ထိန်းညှိပေးခြင်း ၊ အပူချိန်ထိန်းညှိပေးခြင်းနှင့် အနံ့ဆိုးများ ပြင်ပသို့ ပြန်လည်ထုတ်လွှတ်ခြင်း စသည်တို့ကိုပါ ဆောင်ရွက် ပေးနိုင်ပါသည် ။ ထို့အပြင် အရေးကြီးသောအချက်မှာ  Shelter သို့ဝင်သော ဝင်ပေါက်များနှင့် အခန်းတွင်းတွင် လေထုဖိအားအား ပြင်ပလေထုဖိအားထက်မြင့်အောင် ထိန်းသိမ်းပေးနိုင်ခြင်း ဖြစ်သည်။ သို့မှသာ ဝင်ပေါက်ထွက်ပေါက်များ ၊ ပိုက်လိုင်းများ၏ ဆက်စပ်နေရာများ ၊ နံရံတွင်ရှိနေနိုင်သော အက်ကြောင်းများမှ ပြင်ပလေများ ဝင်ရောက်နိုင်ခြင်းအား ကာကွယ်နိုင်ပါသည်။


၃ ။ ရိက္ခာ စနစ်များ ( Food Supply )
             စစ်ပွဲကာလ အတွင်း Shelters များတွင် အသုံးပြုနိုင်ရန် ရိက္ခာစို/ ခြောက်များအား သင့်တင့်သလို ဒေသနှင့်လူဦးရေအပေါ် မူတည်ရွေးချယ်စုဆောင်း ရပါသည်။ အခန်းတွင်းတွင် မီးအသုံးပြု ချက်ပြုတ်ရန် မသင့်တော်သောကြောင့် ရိက္ခာခြောက်များအား စားသုံးခြင်း ၊ စကေးဖြင့် စားသုံးခြင်း ၊ စနစ်ဖြင့်စားသုံးခြင်း စသည့် နည်းလမ်းများကို အသုံးပြုနိုင်ပါသည်။ 


၎ ။ ရေအရင်းအမြစ် ( Water Supply )
             ရေအရင်းအမြစ်အား ယေဘူယျအားဖြင့် စစ်ပွဲဖြစ်ပွားခြင်းမရှိသော အရပ်မှ ပိုက်လိုင်းဖြင့် ရယူသုံးစွဲ ခြင်း၊ မြို့၏အရေးပေါ် ရေပေးဝေမှု စနစ်များမှရယူခြင်း ၊ ကြိုတင်စုဆောင်းထားသော နေရာများမှ သုံးဆွဲခြင်း နည်းလမ်းများဖြင့် ဆောင်ရွက်ထားနိုင်ပါသည်။ များသောအားဖြင့် ကြိုတင်စုဆောင်းထားရာ နေရာများမှ အသုံးပြုကြသည်က များပါသည်။ အဘယ့်ကြောင့်ဆိုသော် စစ်ပွဲကာလ အတွင်းတွင် WMDs များ သုံးပါက ရေအရင်းအမြစ်များသည် စစ်ပွဲ၏ အဓိကပစ်မှတ်များ ဖြစ်သောကြောင့်ပင်ဖြစ်သည်။ 


၅ ။ စွမ်းအင်စနစ် ( Energy Supply )
             စွမ်းအင်စနစ်တွင် အဓိက ထည့်သွင်းစဉ်းစားသင့်သည့် အချက်မှာ ၎င်းစွမ်းအင်စနစ်၏ လောင်စာ သုံးစွဲမှုစနစ် ဖြစ်သည်။ စစ်ပွဲကာလတွင် လောင်စာစနစ်များ၏ ထောက်ပံ့ရေးလမ်းကြောင်းများ၊ သိုလှောင်ရေးစနစ်များ ဖျက်ဆီးပြတ်တောက်ခံရ ခြင်းများ ကြုံတွေ့နိုင်ရခြင်း ကြောင့်ဖြစ်သည် ။ ထို့အပြင် စွမ်းအင် ထုတ်လုပ်မှုစနစ်မှ ထွက်ရှိလာသော လေထုညစ်ညမ်းမှုနှင့် Shelter ၏ လေရှုစနစ်တို့၏ စွမ်းဆောင်နိုင်မှုတို့ကိုလဲ ထည့်သွင်း တွက်ချက်ထားသင့် ပါသည် ။ အသံလုံခြုံမှုစနစ် ၊ မီးဘေးလုံခြုံရေးစနစ် ၊ အသုံးပြုရန် လွယ်ကူမှု စသည်တို့ကလဲ အရေးပါသော အချက်များပင် ဖြစ်သည်။ ယေဘူယျအားဖြင့် Shelter များတွင် ဘထ္ထရီအိုးများနှင့် ရေရှည်အတွက် ဒီဇယ်လောင်စာသုံး မီးစက်များကို အလှည့်ကျ အသုံးပြုကြသည်။ လိုအပ်ပါက လူအားဖြင့် လျပ်စစ်ထုတ်ပေးနိုင်သော ဘထ္ထရီအားဖြည့်စနစ်များကိုပါ သိုလှောင်ထားရှိကြည်။ ဒီဇယ်သုံး စွမ်းအင်ပေးစနစ်သည် လိုအပ်သော စွမ်းအင်ရရှိရန် လောင်စာသုံးစွဲရမှု လျော့နည်းခြင်း၊ ဒီဇယ်သည် ဓာတ်ဆီနှင့်ယှဉ်ပါက မီးလောင်မှုကို အတိုင်းအတာ တခုအထိ အားပေးမှုလျော့နည်းခြင်း၊ ထိန်းသိမ်းသိုလှောင်ရန် လွယ်ကူခြင်း စသည့် တို့ကြောင့်ဖြစ်သည်။ ၎င်း၏ အားနည်းချက်မှာ အသံလုံခြုံမှု အားနည်းခြင်း ၊ စက်ပျက်စီးပါက ပြုပြင်ရန် အနည်းငယ်ခက်ခဲခြင်း စသည်တို့ ဖြစ်သည်။ သို့သော်လည်း အပြစ်နဲ့အကျိုး ချိန်ဆပါက အကောင်းဆုံးစနစ် ဖြစ်သောကြောင့် Shelter များ၏ စွမ်းအင်ပေးစနစ်တွင် ပြင်ပ လျပ်စစ်ဓါတ်အားပေးစနစ်များ(ရေအား၊ နူကလျိယ ကဲ့သို့ ပုံမှန်ဓါတ်အားပေးစနစ်များ) ကို အသုံးမပြုနိုင်သော အချိန်တွင် ဒီဇယ်လောင်စာသုံး စနစ်ကိုသာ ရွေးချယ်ကြလေ့ရှိပါသည်။


၆ ။ ဆေးဝါးအကူအညီ ( Medical Aids)
           Asylum များတွင် သီးခြား ဆေးအကူအညီပေးရေး ယူနစ်များ ဖွဲ့စည်းထားပါသည် ။ Shelter ထဲတွင် ခိုနားမည့် လူများ၏ ကျန်းမာရေးကို စောင့်ရှောက်ရန် သာမက စစ်ပွဲကြောင့် ထိခိုက်ဒဏ်ရာ ရလာသော လူများကိုပါ ကုသနိုင်ရန် လုံလောက်သော လူအင်အား၊ ပစ္စည်းအင်အားတို့ ဖြင့် ဖွဲ့စည်းထားရှိပါသည်။ 

ထို့အပြင် ဆေးအကာအကွယ်ပေးရေး ထမ်းဆောင်ရသော သူနာပြုများ၊ ဆရာဝန်များသည်လည်း ဓာတုဗေဒ လက်နက်များ ၊ ဓာတ်ရောင်ခြည်သင့် လူနာများကို ကိုင်တွယ်ရနိုင်သည့် အတွက်၎င်းတို့၏ လုံခြုံရေး အတွက် Personal Protective Equipment များကို ဝတ်ဆင် အသုံးပြုကုသရမည် ဖြစ်သောကြောင့် ၎င်းစနစ်များကို ကျွမ်းကျင်မှု ရှိစေရန် ကြိုတင်လေ့ကျင့် ထားကြရပါသည်။ Military Medical Personnel တို့၏ လေ့ကျင်မှု ကျွမ်းကျင်မှုကို အဓိက လိုအပ်သော နေရာဖြစ်သည်။ စစ်ပွဲကြောင့် ဖြစ်ပေါ်လာသော ဖိအားများ ၊ သမာရိုးကျမဟုတ်သော လက်နက်များကြောင့်ဖြစ်ပေါ်လာသော ရောဂါများ ၊ ကုသမှု ကန့်သတ်ချက်များ ၊ အခြေအနေ ကန့်သတ်ချက်များကို ရင်ဆိုင်နိုင်ရန်  စိတ်ဓာတ်ကြံ့ခိုင်မှုနှင့် ကုသရေးဆိုင်ရာ ကျွမ်းကျင်မှုများ ရှိနေရန် ကြိုတင်ပြင်ဆင်ထားကြရပါသည်။ ထို့အပြင် ဆေးပစ္စည်းကိရိယာများ၏ ခေတ်မီမှုနှင့် အရည်အသွေး ကောင်းမွန်မှုတို့ အတွက်လည်း ကြိုတင်စီစဉ်ထားရှိကြရပါသည်။ နေရာယူမှု ကျဉ်းကျဉ်း နှင့် ထိရောက်သော ကုသမှု ကို ပေးစွမ်းနိုင်ရန် ရည်ရွယ် ပြင်ဆင်ကြရခြင်းဖြစ်သည်။


၇ ။ ဆက်သွယ်ရေး ( Communication )
           Shelter များတွင် ယေဘူယျအားဖြင့် နိုင်ငံ၏ ဘေးအန္တရာယ် စီမံခန့်ခွဲမှုဌာနများနှင့် ဆက်သွယ်နိုင်ရန်၊ Shelter အချင်းချင်း ဆက်သွယ်နိုင်ရန်အတွက် သိးသန့် ကြိုးဖြင့် ကြိုးမဲ့ ဆက်သွယ်ရေး စက်များအား ထားရှိပါသည် ။ ထို့အပြင် ရေဒီယို ဆက်သွယ်ရေးနှင့် စစ်ဘက်ဆိုင်ရာ ဆက်သွယ်ရေးစနစ်များကို လိုအပ်ချက်ကိုလိုက် တပ်ဆင်ထားရှိ ကြပါသည်။


၁ ။ နားခိုသူများ နေထိုင်ရန်                      ၆ ။ အညစ်အကြေးများစွန့်ပစ်ချင်း                                         
၂ ။ ရုံးခန်းများ                                        ၇ ။ စတိုးခန်း  ( Raw Materials )
၃ ။ ဆေးခန်း                                          ၈ ။ စတိုးခန်း ( Food, Water  and Medical )
၎ ။ လေရှုစနစ်                                       ၉ ။ ဝင်ပေါက် အခန်း
၅ ။ စွမ်းအင်စနစ်                                  ၁၀ ။ အရေးပေါ်ထွက်ပေါက် အခန်း




၈ ။ စီမံခန့်ခွဲမှု ( Administration )
           Shelter များတွင် နားခိုစဉ်ကာလသည် မည်မျှကြာမြင့်မည်၊ မည်မျှအဆင်ပြေမည်ကို မည်သူမှ ကြိုတင်မှန်းဆနိုင်ခြင်း မရှိပေ။ ထိုသို့နားခိုကြရာတွင် မိမိ၏ အိမ်တွင်နေသကဲ့သို့ နေထိုင်ရှင်သန်ရမည် မဟုတ်ပေ။ လူအမျိုးမျိုး စိတ်အထွေထွေဖြစ်သောကြောင့် နေရာတွင် အုပ်ချုပ်ရေးနှငိ့ စီမံခန့်ခွဲမှု က အရေးကြီးပါသည်။ နားခိုသူများကြားတွင် အဆင်ပြေချော့မွေ့စေရန် စည်းကမ်းလိုက်နာမှုနှင့် ပဋိပက္ခ ကိုလျှင်မြန်စွာ ထိန်းသိမ်းနိုင်ရန် လိုအပ်ပါသည်။ အခြေခံအားဖြင့် နေ့စဉ်အချိန်ဇယားဖြင့် စားသောက်နေထိုင်ခြင်း ၊ စုပေါင်းလုပ်ကိုင်ခြင်းတို့ လိုအပ်ပါသည်။ ထို့အပြင် အင်အားကို ကုန်ဆုံးစေသော အကျိုးမဲ့ စကားဝိုင်းစုဖွဲ့ပြောဆိုခြင်း ၊ ဆေးလိပ်သောက်ခြင်း၊ ခိုက်ရန်ဖြစ်ပွားခြင်း စသည်တို့ မဖြစ်ပွားစေရန် ကြပ်မတ်နိုင်ဖို့ လိုအပ်ပါသည် ။ ထို့အပြင် နားခိုသူများတွင် ရောနှောပါဝင်လာနိုင်သည့် ရန်သူများကိုလည်း စောင့်ကြည့် စိစစ်ထားနိုင်ရန် လိုအပ် ပါသည် ။


       အချုပ်အားဖြင့်ဆိုသော် အထက်တွင်ဖော်ပြခဲ့သော Asylum ဟုခေါ်သော Fallout Shelter များ၏ အခန်းကဏ္ဍသည် လွန်စွာကျယ်ပြန့် ပါသည် ။ ၎င်းတို့ကို တည်ဆောက်ခြင်း ၊ စွမ်းအားပြည့် လည်ပတ်နိုင်ရန် တို့သည် State Level Management များဖြစ်ပါသည်။ မိမိတို့နိုင်ငံ ကြုံတွေ့လာ ရနိုင်သည့် ရန်သူ၏ လက်ဝယ်တွင်ရှိသော လက်နက်များ၏ အဖျက်စွမ်းအား၊ ဝေဟင် ရေပြင် မြေပြင်တို့အား မိမိနှင့်ရန်သူတို့ ၏ စိုးမိုးထားနိုင်မှု ၊ စစ်မြေပြင်၏အခြေအနေ ( မိမိပိုင်နက် ဧရိယာ မှာစစ်ပွဲ အဖြစ်ခံမလား၊ ရန်သူ့ ဧရိယာမှာ စစ်တိုက်မလား ) ၊ သတင်းနှင့် ဆက်သွယ်ရေးနည်းပညာ များ၏အဆင့်အတန်း များ ၊ မိမိနိုင်ငံပြည်သူ တို့၏ အခြေအနေကို မှန်ကန်စွာတွက်ချက်နိုင်မှု ၊ ပြည်သူတို့၏ပူးပေါင်းပါဝင်မှု ၊ ကြိုတင်မှန်းဆ လေ့ကျင့်ထားနိုင်မှု၊ ကြိုတင်တည်ဆောက်ထားနိုင်မှု အစရှိသည်တို့ အဓိက လိုအပ်ပါသည် ။ 

           ယနေ့ ကမ္ဘာပေါ်တွင် ၎င်း Shelter များအား အနိမ့်ဆုံးအဆင့် လူဦးရေ ၆၀၀ ၊ အလယ်အလတ်အဆင့် ၆၀၀ မှ ၂၀၀၀ ကြား နှင့် အမြင့်ဆုံး ၂၀၀၀ နှင့်အထက်အား အချိန်ကာလအားဖြင့် ရက်သတ္တပတ် ၂ ပတ်မှသည် ၈ ပတ်အထိ ခံနိုင်ရည် ရှိအောင် ( မှတ်ချက် ရုရှားနိုင်ငံ၏ စံနှုန်းဖြစ်ပါသည် ) တည်ဆောက်ထားကြ ပါသည် ။ အထူးသဖြင့် ရုရှား ၊ တရုတ် ၊ အမေရိကန် နှင့် မြောက်ကိုရီးယား နိုင်ငံတို့သည် မြေအောက်တွင် စခန်း ဆောက်လုပ်ချင်း ( ခိုနား ရန်သာမက စစိပွဲဆင်နွှဲ နိုင်လောက်အောင်ပင် ကြီမားသော စခန်းများ ) တည်ဆောက်ရာ တွင် အလွန်အောင်မြင်နေသောနိုင်ငံ များဖြစ်ပါသည်။


          မိမိတို့ မြန်မာနိုင်ငံအနေဖြင့်လဲ မိမိတို့ ၏ နိုင်ငံ၏ လုံခြုံရေးအတွက် မိမိတို့ ကြုံတွေလာနိုင်သည့် ရန်သူ ( Potential State Enemy ) နှင့် ခေတ်မီဆန်းသစ်သော လက်နက်များ နှင့် နည်းဗျူဟာများ၊ သဘာဝဘေးအန္တာရယ်များကို မျက်ခြေမပြတ် စောင့်ကြည့်လေ့လာနေပြီး တန်ပြန်ဆောင်ရွက်ရန်၊ တုန့်ပြန်လှုပ်ရှားရန်၊ ကာကွယ်ရန် အခြေခံ အဆောက်အဦးများ၊ နည်းပညာများ၊ လေ့ကျင့်မှုများ၊ ဆေးပညာတို့အား အဆက်မပြတ်လေ့လာသင်ယူနေခြင်း ဖြင့် မိမိတို့ ၏ စစ်ရေးစွမ်းအား ၊ ကာကွယ်ရေး စွမ်းအားတို့အား စဉ်ဆက်မပြတ် မြှင့်တင်နေသင့် ပါသည်ဟု အကြံပြုရင်း နိဂုံးချုပ်အပ်ပါသည်။
(ဤဆောင်းပါးကို ရေးသားပေးပို့ခဲ့သူ Dr-THRAX  အား ကျနော်တို့ MDW အဖွဲ့သားများ အနေဖြင့် အထူးပင် ကျေးဇူးတင်ရှိပါကြောင်းနှင့် ကျနော်တို့၏ မီဒီယာအပါအဝင် အခြားသော ဖိအားအခက်အခဲများကြောင့် တင်ဆက်မှုများ နှေးကွေးနေရခြင်းနှင့် ပက်သက်၍ စာဖတ်သူများကို အနူးအညွတ် တောင်းပန်ရင်း ပို့စ်အသစ်များအတွက် ကြိုးစားနေပါကြောင်းခင်ဗျား။ ကျန်းမာချမ်းသာကြပါစေ။)